Herri-eredua
Helburua:
Hirigintzak herriaren hazkundea determinatzeaz gain, herritarren etorkizuna eta bizi-baldintzak ere zehazten ditu. Hiri Antolamendurako Plan Orokorra Orioren etorkizuna definituko duen dokumentua izango da, datozen 15-20 urteetan herrian egingo diren esku-hartze urbanistiko garrantzitsuenak zehazten dira bertan.
Etxebizitza eskubide gisa ulertzen dugu eta horren aurrean, neurri eraginkorrak hartuko ditugu, Orioko etxebizitzen parkea eta eskaintza hobetu eta egonkortu daitezen, zaurgarrienen mesedetan.
Eragileak:
Udaleko Bulego Teknikoa, etab.
Lan lerroak:
Nolakoa izango da biharko Orio? Orain arte 2012ko Plan Orokorraren baitan eraiki da Orion. Orain da momentua gure etorkizuna imaginatu eta etorkizuneko Orio diseinatzeko.
-
Informazioa eta diagnosia
2012ko HAPOtik abiatuta, informazioa aztertu eta beharrak identifikatzea -
Plangintzaren aurrerakina
HAPOa garatzeko irizpideak eta helburuak zehaztea eta antolamendu urbanistiko posibleen artean aukeratzea -
Jendaurrean jartzea
Aurrerapena jendaurrean azaltzea -
Lehen onarpena
Herritarren eta prozesuan parte hartzen duten erakundeen ohar eta iradokizunak aztertu ondoren, Udalak lehen onarpena ematea planari, eta HAPOaren lehenengo dokumentu osoa idaztea -
Jendaurrean jartzea
Lehen onarpenaren dokumentua jendaurrean azaltzea -
Behin-behineko onarpena
Alegazioak eta oharrak ebatzi, eta dagozkion organoetatik beharrezko onarpenak jasotzea -
Behin betiko onarpena
Foru Aldundiaren organo eskudunak behin betiko onarpena ematea HAPOari eta, ondoren, Gipuzkoako Aldizkari Ofizialean argitaratu eta indarrean sartzea
Azken urteotan, batez ere 2008ko krisiaren ondoren, etxebizitza bat eskuratzeko zailtasunak biderkatu egin dira, egin behar den ahalegin ekonomikoa handitu egin da eta, ondorioz, orokorrean, asko konplikatu zaio jendeari etxebizitza bat erostea edo alokatzea; bereziki, kolektibo zaugarrienei.
-
Diagnostikoa
Orioko etxebizitzaren eta gazteen emantzipazio-eskariei eta premiei buruzko diagnostikoa egitea -
Pisu turistikoen azterketa
Herrian ditugun etxebititza turistikoen azterketa egitea -
Ordenantza
Orioko udalerrian etxebizitza turistikoak erregulatzeko ordenantza prestatu eta onartzea -
Etxebizitza hutsen errekargua
2025eko ordenantza fiskaletan, errekargu hau %50 izatetik %100ra pasatuko da -
Etxebizitza sozialak
HAPOan aurreikusitako eremu berri guztietan etxebizitza sozialak bermatzea