Berdintasunerantz
Helburua:
Azken urteetan, Orioko Udalak politikak sustatzen dihardu herriak berdintasunaren alorrean herriak bizi duen errealitatea eraldatzeko, herritarren bizi-baldintzak hobetzeko eta aukera-berdintasuna bermatzeko. Eta bide horretan, urrats esanguratsuak ematen ari da, lau ildo nagusiri lotuta.
Eragileak:
Udaleko Bulego Nagusia, Gizarte Zerbitzuak, Saregile Orioko Emakumeon* Etxea, Emakumeen* Mahaia eta Hezkidetza Mahaia
Lan lerroak:
Berdintasun politikak garatzea eta ikuspegi feminista eta emakumeen parte-hartze sozio-politikoa bultzatzeko egiturak indartzea. Eta elkarren zaintzan eta errespetuan oinarritutako herria eraikitzeko, eraldaketa-prozesuak sustatzea.
-
Berdintasun-plana
Emakumeen eta gizonen arteko berdintasunerako planak garatu eta aplikatzea. -
Protokoloaren diseinua
Orioko emakumeen aurkako indarkeria matxistaren erakundeen arteko arreta eta koordinaziorako protokoloa diseinatu, onartu eta aplikatzea. -
Egituren egonkortzea eta koordinazioa sendotzea:
Zaintza Mahaia, Hezkidetza Mahaia eta Emakume Mahaia -
Saregile Orioko Emakumeon* Etxea
Orioko emakumeen ahalduntze pertsonal, kolektibo eta soziopolitikorako espazioa den Saregile Orioko Emakumeon* Etxea zabaltzea eta egonkortzea -
Zeharlerrotasunerantz urratsak ematea
Udaleko langile eta ordezkari politikoen gaitasuna handitzea, beren jarduera, programa eta prozeduretan genero-ikuspegia modu sistematikoan txertatzeko.
2025eko irailean aurkeztu zen Ur bazterretik, Orioko Hezkidetza Diagnostikoa. Dokumentuan, hain zuzen, hezkuntzaren, kirolaren eta herrigintzaren alorretako eragileen eta norbanakoen bizipenak jaso ziren, genero-berdintasunari lotuta, eta balioen eraldaketarako eta berdintasunerantz bidea egiteko plana proposatu zen. Bertatik eratorrita, hainbat lan-ildo definitu dira.
-
Hezkuntza formal eta ez-formalarekin lanketa jarraitzea eta xehetzea:
- Irakasleen formakuntza ezinbestekoa da balio hezkidetzaileen eroale izatea nahi badugu. - Eguneroko jardunean agertzen diren gertakari, kezka edota errealitate desberdinei ziurtasunez aurre egin eta kudeatzeko aholkularitzaren beharra. - Hezkuntza ez-formalean, hezkidetzan oinarrizko formazioa eta lanketa egitea. -
Hezkidetza Mahaia
Hezkidetza eta pedagogia feministen sustapenerako proiektuen eta aldarrikapen-egun zehatzen koordinazio gunea izatea. -
Gogoeta eta eraldaketa prozesuak sustatzea
Hezkidetza eta feminismoaz gogoeta eta eraldaketa prozesuak sustatzea eremu desberdinetan: kirolean, kulturan…
Zaintzen ekosistema aldatzeko prozesua abiatu da Orion. Zaintza eredu berri honek aukera emango du zaintza behar duten pertsonek beren bizitza-proiektua ahalik eta baldintza onenetan garatzeko, komunitatearen babesarekin eta laguntzarekin.
Horretarako, hainbat prozesu ari da sustatzen Udaleko Zaintza lantaldea: Gizarte Zerbitzuak indartzea eta pertsonengan oinarritutako arreta-moduan trebatzea; zaintzaileentzako elkarguneak sortzea; zaintzaren inguruko pedagogia egiteko gogoeta eta eztabaida-saioak antolatzea; eta herri gisa, Zaintzaren Herri Akordioa osatzeko prozesua gauzatzea.
Helburu honen inguruko xehetasunak, Zaintza Komunitarioa helburu estrategikoan kontsultagai.
-
Zaintzaren diagnosia
Garatzea, herriko eragileekin elkarlanean -
Zaintza-guneak eta programazioa
Aktibazioa -
Ostalariei formakuntza
Merkataritza bizia eta zaintzailea sustatzeko -
Herri Akordioa
Egikaritu eta zaintzaren mapa garatu -
Zaintza Eskola
Zaintzaile profesionalei, zaintzaile afektiboei eta herritarrei eskainitako saioak, ikasturteko egutegiaren baitan
Indarkeria mota ororen aurrean, harreman eredu berriak eraikitzeko eta askotariko bizitzak onartzen eta errespetatzen dituen gizartea bultzatzeko helburua du. Eta herri bezala, berdintasunaren aldeko konpromisoa irmo agertzeko eta askotariko indarkerien aurrean herri-harresia eraiki eta jendarte eredu berdinzaleago baten alde konpromisoak hartzeko eta ekiteko asmoz sortutako proiektua da, lan pedagogiko eta kontzientziazio eta esku-hartze zehatzak garatzeko markoa.
-
Konpromisoa
Herritarren arteko harreman sanoen aldeko herri-konpromisoa eraikitzea -
Harremanak eta bizitzak
Askotariko indarkeriarik gabeko harremanak eta bizitzak eraikitzeko apustua sendotzea -
Ortzimuga bateratua
Elkarren zaintza eta errespetua oinarri izango duen herria eraikitzen ortzimuga bat izatea -
Ongizatea
Herritarren ongizatea areagotzea, hala nola, kirolaren alorrean -
Erreparazioa
Indarkeria matxistari zein gainerakoei aurre egin dieten pertsonen erreparazio prozesuak sustatzea