Mugikortasun jasangarria
Helburua:
Herria herritarren bizilekua da, eta Udalaren ardura da mugikortasun unibertsala bermatzea. Herritarren eskaeretatik abiatuta, herri osoaren irisgarritasuna bermatzea eta jasangarritasunean oinarritzen den mugikortasun-eredua eraikitzea du jomugan Udalak, oinezkoak erdigunera ekarriz.
Eragileak:
Udaleko Bulego Teknikoa, Udaltzaingoa, bizilagunen elkarteak, etab.
Lan lerroak:
Orio bizikletan ibiltzeko moduko herria izatea nahi du Udalak eta, horretarako, bidegorri-sare egokia behar da. Azken urteotako lanari segida eman eta sarea handitzen eta osatzen joango da Udala.
-
1
Herria hondartzarekin lotzea -
2
Zaragueta eskolaren sarrera berria bidegorri-sarearekin lotzea -
3
Sarea osatzeko azterketarekin segitzea
Orio oinezkoak eta bizikletak erdigunean jartzen dituen eta auzoen arteko lotura indartzen duen herria izatea nahi dugu, oinezkoen pasabideak eta bidegorri-sarea osatzen jarraituz. Horretarako, irisgarritasun-azterketetatik harago, bizikleta kopuruaren azterketa egin dugu eta bizikleten aparkalekuak egokitu eta gehitu ditugu.
Horrez gain, inguruko herrietan bezala, bizikleten erregistroa sortu nahi dugu, herriko bizikleten kudeaketa hobetzeko.
-
Bizikleten erregistroa
Herriko bizikleten errolda digitalizatu zehatz bat izatea -
Bizikleta-aparkalekuak
Gunean guneko irakurketa egin, eta bizikleta-aparkaleku berriak jartzen jarraitzea
Kanpo-espazioak eta kaleak, leku batetik bestera joateko trantsizio-bide baino gehiago, komunitateak erabiliko dituen espazio bilakatu nahi ditugu. Elkarrekiko harremana eta erabilera askotarikoa izango duten plazak eta kaleak disenatzea da helburua, 2019-2020 aldian Herriko Plazarekin egin zen moduan.
-
Andra Mari auzoa
Partehartze-prozesu baten bidez, ingurua egokitzea, oinezko eremuak lehenetsiz -
Alde Zaharra
Alde Zaharraren irisgarritasuna aztertzea -
Udal-ekipamenduen irisgarritasuna
Udal-ekipamenduen irisgarritasuna hobetzea etengabe -
Zebrabideak
Irisgarritasuna hobetzeko, zebrabideak egokitzen jarraitzea. Ibilbide irisgarriak bermatzea -
Oztopoak ekidin
Oinezkoentzat arriskua sor dezaketen oztopo arkitektonikoak kentzea; esate baterako, pibote txikiak kentzeko azterketa egitea
Azken urteotan Udalak ahalegin handia egin du herrian dauden era guztietako ibilgailuen aparkalekuak egokitzeko: motoak, autokarabanak, autoak… Familia-unitate bakoitzean dagoen ibilgailu-kopurua etengabe hazten ari da eta erronka handia da Udalarentzat horiek guztiak egoki kudeatzea.
-
1
Motoentzako guneak egokitzea -
2
Ibilgailu luze eta autokarabanentzako guneak prestatzea -
3
TAO sistema berria definitzeko bilera irekiak egitea herritarrekin eta merkatariekin -
4
TAO sistema berria sortu eta lizitatzea -
5
Herritarren iradokizunak jaso eta TAO sistema etengabe egokitzea