Ingurumenaren defentsan
Helburua:
Orioko Udalak kalitatezko ingurumena eskaini nahi die oriotarrei. Udalerriak funtsezko jardun-esparruak dira larrialdi klimatikoaren aurrean neurriak hartu eta aplikatzeko.
Orioko Udalak onartua du energia-plan bat 2020-2030 aldirako, eta urratsak egiten ari da hor zehaztutako ekintza-lerroak eta helburuak betetzeko. Energia-planak aukera emango dio Udalari herriko eraikin eta instalazio publikoetako kontsumo energetikoak kontrolatu eta murrizteko. Energia-kontsumoa murrizteak, zer esanik ez, energiaren fakturak murriztea ere ekarriko du.
Eragileak:
Udaleko Bulego Teknikoa, Herriko natur taldea ...
Lan lerroak:
Udalaren ekipamenduetan energia asko erabiltzen da eguneroko martxan. Energiaren erabilera egokiak daukan garrantzia kontuan izanda, ekipamenduak jasangarritasunaren ikuspegitik aztertu eta optimizatzeko neurriak hartzen ari da Orioko Udala.
Hemen kontsultatu daiteke 2020ko Energia Plana:
Planak jasotzen duenaren arabera, hobekuntza dezente egin ditu Udalak dagoeneko:
✓ Kudeaketa energetikorako software bat inplantatzea
✓ Kaleko eta udal-eraikinetako argiteria guztia LED teknologiara aldatzea (%70ean eginda)
✓ Karela kiroldegian berogailuaren sektorizazioa hobetzea, eta eguzki-panel termikoak instalatzea ur beroa sortzeko
✓ Hondartzako kabinetan, dutxetako ur beroa sortzeko aerotermia-sistema bat instalatzea
✓ Udal-kanpinean eguzki-plaka fotovoltaikoak instalatzea (40kw)
Aurreikusten diren datozen urratsak:
-
Karela kiroldegia
Eguzki-plaka fotovoltaikoak instalatzea (85kw) -
Karela kiroldegia
Kontsumoa murrizteko instalazioak: klimatizazio- eta deshumektazio-sistema berritzea eta aerotermia instalatzea -
Karela kiroldegia
Instalazioak doitzea, optimizatzea, monitorizatzea eta kontrolatzea -
Zaragueta herri-eskola
Berogailu-sistema sektorizatzea, energia-eskaeraren araberako zonatan -
Zaragueta herri-eskola
Eguzki-plaken instalazioa aztertzea. (Udal-kanpinak eta Zaragueta eskolak autokontsumo konpartitua dute) -
Argiteria publikoa
Arrantzale kaleko argiteria berritzea eta LED teknologiara aldatzea
Hainbat herritan komunitate energetikoak sortzen ari dira, energiaren kudeaketa hobetzeko. Eredu berri hori aztertu eta aurrrerapausoak eman nahi ditu Udalak.
Helburua proba pilotu bat egitea da, autokontsumo konpartituan oinarrituta: herrian energia sortu eta herritarrei eskaini. Udalak sortutako energia izango denez, aukera emango du prezioa finkatzeko eta egoera zaugarriak kontuan hartzeko.
-
1
Zenit-en eskutik, Orioko teilatuen inguruko azterketa tekniko-ekonomikoa egitea -
2
Proba pilotu bat egiteko oinarriak finkatzea -
3
Herri-aurkezpena
Orio naturaz inguratutako herria da. Ezagunak ditugu Itxaspe edota Kukuarriko ibilbideak eta horiek herritarrei eskaintzen dioten arnasgunea.
2011n egin zen Orioko herribideen udal-inbentarioa eta hura eguneratu eta ibilbide gehiago egokituko dira.
-
1
Herribideen azterketa egitea -
2
Herribideak egokitzeko proposamena